Kirsti Ervik
Partnaransvarleg ved Det Norske Teatret
ByBi × Det Norske Teatret
Då Bienes historie kom på Hovudscenen i 2020, flytta to bifolk inn på taket. Framsyninga er over, men i sjuande etasje held ByBi fram med å sjå til biene. Honningen deira kan du ta med deg heim frå teaterbutikken.
Premiereåret 2020
Då Det Norske Teatret gjorde Maja Lundes roman til musikal, fekk ByBi i oppdrag å stelle biene på taket. Bigarden gav skodespelarar og andre tilsette høve til å bli med på birøkta, og gav teateret ein konkret måte å formidle kvifor pollinerande insekt betyr så mykje.
Gjennom sommaren tok birøktar Tora Fougner-Økland med seg folk frå huset opp til kubane. Blant dei var Pål Christian Eggen og Ingrid Jørgensen Dragland, som spelte George og Emma. Dei to dronningbiene fekk namna Maja og Hulda. Etter at speleperioden var over, valde teateret å halde fram med bigarden.
Frå teatertaket · 2026
Huldas honning byrjar med det som blømer i byen. Bli med opp i sjuande etasje, der ByBi ser til biene på taket av Det Norske Teatret.
Huldas honning
Frå taket ser du kor kort vegen er frå teateret til trekronene i Slottsparken. Oppe i sjuande etasje er det lettare å førestille seg byen slik ei bie møter han på vengene. Det som ser ut som ei samanhengande gate nedanfrå, har avstikkarar til hagar, parkar og blomstrande tre.
Etter kvart som nye plantar tek til å bløme, finn biene nektar på nye stader. Når linda i Spikersuppa står i bløming, kan ho setje sitt preg på honningen. Slik kan to innhaustingar frå same tak smake ulikt. Teateret gir plass til mange forteljingar om livet rundt oss. I honningglaset kan vi smake noko av det mangfaldet som finst rett utanfor døra.
Det Norske Teatret låner oss lokale utan leigekostnad. Det gir oss plass til å samle større grupper midt i Oslo og hjelper oss å halde deltakarprisen på kursa så låg som mogleg. Slik får fleire høve til å lære om bier og birøkt.
Her har vi halde introduksjonskurset BeeBasic og samla medlemmene våre i Spegelbaren for å diskutere korleis vi kan handtere open yngelrote.
Les om BeeBasic på teateret ↗
Les om medlemsmøtet i Spegelbaren ↗
Frå arkivet
Då Bienes historie kom på Hovudscenen i 2020, flytta biene inn på teatertaket. Her er ein eldre film frå historia ByBi og Det Norske Teatret har saman.
Partnaransvarleg ved Det Norske Teatret
Driftssjef ved Det Norske Teatret
Idil leier Røktercrew og er partnaransvarleg i ByBi. Elif er ansvarleg birøktar for takbigarden på Det Norske Teatret.
